Paracetamoli është një ilaç i zakonshëm në shumicën e dollapëve të barnave.
Mes tjerash, përdoret për një numër problemesh të vogla dhe është efektiv në trajtimin e shumë prej tyre. Megjithatë, ashtu si barnat e tjera, mund të shkaktojë efekte anësore, shkruan burimi Express.co.uk përcjell Gazeta Shneta.
Paracetamoli përdoret zakonisht për probleme dhe mundime të vogla. Këtu përfshihen lëndime të tilla si ndrydhje dhe dhimbje koke. Për më tepër, mund të përdoret edhe në rastet e ftohjes dhe gripit. Ashtu si medikamentet e tjera, paracetamoli mund të ketë një sërë efektesh anësore, duke përfshirë këtu anafilaksinë. Anafilaksia njihet gjithashtu si një reaksion alergjik serioz.
Simptomat e kësaj gjendje, sipas Shërbimit Kombëtar Shëndetësor (NHS), përfshijnë:
– Një skuqje e lëkurës që karakterizohet me kruarje, të enjtur ose me flluska.
– Shtrëngim në gjoks ose në fyt.
– Probleme me frymëmarrjen ose të folurit.
– Ënjtje e gojës, fytyrës, buzëve, gjuhës ose fytit.
Paracetamoli është ilaçi më i zakonshëm që merret në mbidozë. Mund të çojë në dështim të mëlçisë brenda disa ditësh, pavarësisht përdorimit të medikamenteve për të mbrojtur mëlçinë. Dështimi i mëlçisë mund të jetë fatale.
Mbi 150 njerëz vdesin çdo vit si rezultat i mbidozës së paracetamolit.
NHS rekomandon që një person duhet të marr ndihmën e shpejtë nëse fillon të përjeton këto simptoma./Gazeta Shneta/