Ato kanë nivele më të larta të baktereve potencialisht problematike Foshnjat e lindura përmes prerjes cezariane janë më të ngadalshme për të pasur lloje të caktuara të “baktereve të mira” në zorrën e tyre dhe kanë nivele më të larta të baktereve potencialisht problematike, thanë studiuesit.
Studimet e mëparshme kanë sugjeruar se mënyra e lindjes ndikon në mikrobiomën e të porsalindurit, por disa thanë se kjo mund të ndodhë pasi shumë nëna që kanë pasur lindje me prerje cezariane kërkojnë antibiotikë.
Tim Spector, profesor i epidemiologjisë gjenetike në King’s College në Londër dhe ekspert i mikrobiomës njerëzore tha se studimet tregojnë për rëndësinë e mikrobeve të zorrëve në fillim të jetës.
“Një studim ka konfirmuar studime të mëdha të mëhershme se lindjet me prerje cezariane shkaktojnë probleme imune më vonë në jetë me një rrezik në rritje të infeksioneve dhe po ashtu tregojnë se mikrobet e para të një foshnje, të cilat vijnë shpesh nga mamaja, rrisin rrezikun nga obeziteti”, tha ai.
“Ne duhet të marrim më seriozisht shëndetin e zorrëve kur kemi të bëjmë me bebet, nëse duam të përmirësojmë shëndetin e tyre më vonë në jetë”, shtoi ai. /rtv21