Me dy gra të vrara ka përfunduar një tragjedi e shkaktuara nga kosovari R.B. 54-vjeç që jeton në Zvicër, mëngjesin e së hënës.
Njëra nga dy gratë e vrara në kantonin e Argaut, sipas mediave zviceriane, është bashkëshortja e dorasit, 38-vjeçare, ndërkaq edhe gruaja tjetër supozohet të jetë pjesëtare e familjes.
Sipas gazetës zvicerane Blick, kosovarja e cila dyshohet se është vrarë nga bashkëshorti i saj quhet Alma, ndërkaq mbiemri i saj ende nuk i është bërë e ditur, njofton Insajderi.
Kosovari i dyshuar për vrasjet është arrestuar në qytezën Hausen të Zvicrës, aty edhe ku banonte.