Për disa prindër, përpjekja e përditshme për të larë fëmijët e tyre mund të jetë e vështirë: fëmijët do të bëjnë gjithçka për të mos u futur në vaskë. Fëmijë të tjerë, me të vërtetë i gëzohen kohës së dushit, transmeton Gazeta Shneta.
Por a duhet me të vërtetë fëmijët të lahen çdo ditë? Përgjigja e shkurtër është: varet.
Pediatri David Gellar, MD, tha për BabyCenter: “Larja është me të vërtetë e nevojshme vetëm për të pastruar fëmijën tuaj nga pisllëku.”
Sa shpesh duhet të lahen bebet dhe fëmijët e vegjël?
Disa foshnja e duan banjën; Dhe, ndërkohë që është një mënyrë e shkëlqyer për t’i çlodhur para shtratit, ata nuk kanë nevojë të lahen çdo ditë.
Nëse bëhet fjalë për të porsalindur, dy ose tri herë në javë do të ishte e mjaftueshme. Sidoqoftë, fytyra, duart, zona e pelenës dhe nën sqetullat duhet të fshihen çdo ditë.
Për disa, banja më e shpeshtë mund të irritojë lëkurën.
Raporti i Washington Post-it thotë: “Ndonëse mund të duket kundër intuitive, fëmija juaj mund të ketë probleme me lëkurën, pasi vajrat natyrore largohen prej lëkurës së foshnjës nga sapuni dhe uji i ngrohtë.”
Sa shpesh fëmijët më të mëdhenj duhet të bëjnë banjë?
Sa për fëmijët më të mëdhenj, Akademia Amerikane e Dermatologjisë thotë se fëmijët ndërmjet moshës gjashtë dhe 11 vjeç kanë nevojë vetëm të lahen 1-2 herë në javë ose më shpesh në rastet kur bëhen pis ose ju vije era e keqe. Sapo të hynë në pubërtet, ata duhet të bëjnë banjë çdo ditë./Gazeta Shneta/