Në një studim të ri, pensionistët raportuan simptoma më të larta të depresionit krahasuar me të tjerët që janë ende në punë.
Një studim i ri ka gjetur një lidhje ndërmjet pensionimit dhe rritjes së simptomave të depresionit, shkruan burimi Health përcjell Gazeta Shneta.
Studimi i botuar në revistën “Aging and Mental Health”, gjithashtu shqyrtoi efektin që konsumimi i alkoolit mund të ketë mbi rrezikun për depresion tek pensionistët.
Disa njerëz përdorin alkoolin si një mënyrë për të lehtësuar stresin financiar dhe ndjenja të tjera negative.
Ndërkohë që pirja e alkoolit në mënyrë të moderuar është lidhur me më pak simptoma depresioni, ata që konsumonin alkool në mënyrë të tepruar raportuan simptoma më të theksuara.
Gjetjet “theksojnë nevojën për të bërë testime për përdorimin e alkoolit dhe depresionin, si dhe për të zhvilluar mekanizma më të shëndetshëm për të përballuar efektet negative të pensionimit”, tha Dr. Antonia Díaz-Valdés Iriarte, PhD, autorja kryesore e studimit dhe profesoreshë asistente në Qendrën për Kërkime Shëndetësore dhe Shoqërore në Universidad Mayor.
Sipas një ankete kombëtare të Shërbimit të Abuzimit të Substancave dhe Shërbimeve të Shëndetit Mendor të vitit 2020, gati 23% e individëve nga mosha 60 deri në 64 vjeç dhe gati 10% e atyre mbi 65 vjeç raportuan pirje alkooli në sasi të mëdha.
Pensionistët që raportuan pirje alkooli të tepruar – që do të thotë konsumimi i katër ose më shumë pijeve në të njëjtën ditë për gratë dhe pesë ose më shumë për burrat – kishin një rritje prej 0.07 pikësh të simptomave të depresionit, mesatarisht, në krahasim me ata që nuk konsumonin alkool fare.
Alkooli mund të jetë veçanërisht i dëmshëm për të moshuarit pasi ata metabolizojnë alkoolin më ngadalë se të rinjtë dhe mund të mbeten të dehur për një periudhë më të gjatë. Përveç kësaj, ata mund të jenë më të prirur të marrin medikamente që nuk veprojnë mirë me alkoolin. /Gazeta Shneta/