Sot është konfirmuar një tjetër lajm i hidhur. Doktor Nexhip Berisha nuk ka arritur të fitojë betejën me Covid-19.
Lajmin e ka bërë të ditur, Drejtori Ekzekutiv i Spitalit të Prizrenit Dr. Afrim Avdaj, transmeton Gazeta Shneta.
Ai në rrjetin social Facebook i ka shkruar një dedikim prekës kolegut të tij të ndjerë duke cilësuar lart punën e tij dhe shprehu ngushëllime të sinqerta të gjithë miqve e familjarëve.
Postimi i plotë:
Ti ike nga kjo botë duke e ditur se Vdekja është përfundim i një tregimi dhe fillim i një tjetri.
Do të jesh me ne ashtu siq ishe me mua si shok i studimeve, si doktor dhe do të jesh me mua si frymezim i një miqësie dhe si një koleg i paharuar.
Përjetësia ju takon heronjëve,punonjësve shëndetësore në betejën e tyre sublime ne ruajtjen e shëndetit të popullatës
Dr.Nexhip Berisha pusho në tokën e bekuar të Kosovës për të cilën punove pa rreshtur.
Ngushllime familjarëve e miqve tonë të përbashkët
Shoku, miku, kolegu yt Afrim Avdaj