Instituti Kombëtar i Shëndetit Publik ka dhënë një lajm të mirë sot, pasi ka njoftuar se nuk është shënuar asnjë viktimë nga Covid-19 në 24 orët e fundit.
IKSHPK ka njoftuar se në 24 orët e fundit janë testuar 481 mostra nga të cilat 97 kanë rezultuar pozitive, ndërsa nuk është raportuar asnjë rast vdekje në institucionet publike shëndetësore me Sars-Cov-2 pozitiv, shkruan Gazeta Shneta.
“Numri total i rasteve pozitive është 14.301 raste nga 54.924 persona të dyshimtë në virusin SARS-CoV-2 dhe 568 raste të vdekjes. Gjatë 24 orëve të fundit, janë shëruar 139 pacientë derisa numri i përgjithshëm i të shëruarve deri më sot është gjithsej 10.782 raste, kurse numri i rasteve aktive është 2.951”, thuhet në njoftim.
Këtij lajmi i është gëzuar edhe ministri i Shëndetësisë Armend Zemaj, i cili ka thënë se megjithatë nuk do ta zbehë përkushtimin e tij dhe personelit mjekësor.
“Kosova sot po shenon zero raste të vdekjeve të pacientëve të infektuar me Covid 19, një lajm që padyshim na bënë të ndihemi mirë por asesi që ta zbehë përkushtimin tim si ministër por as edhe personelit mjeksorë dhe të gjithë akterët tjerë të involvuar në luftë me Pandemië”, ka shkruar Zemaj.
Zemaj ka qëndruar sot në komunën e Klinës ku është njoftuar me gjendjen me pandeminë në këtë komunë. /Gazeta Shneta/