Ngjarjet dhe informacionet e fundit rreth pandemisë Covid-19 në botë, mund t’i lexoni më poshtë.
Britania e Madhe: Kryeministri britanik, Boris Johnson, ka thënë se Britania do të sigurojë karantinë 10-ditore në hotele për qytetarët që udhëtojnë nga vendet me rrezik të lartë të infektimit shkruan CNN, transmeton GazetaShneta.
Francë: Kompania farmaceutike Sanofi do të bashkëpunojë me kompaninë BioNTech për të ndihmuar në prodhimin e vaksinës anti covid.
Gjermania: Sot, një vit më parë, u shënua rasti i parë me Covid-19 në Gjermani.
Irlanda: Autoritetet zyrtare kanë bërë të ditur se masat anti covid do të zgjasin deri më 5 mars.Sipas Taoiseach Micheál Martin në masat e reja do të përfshihet edhe karantina 14-ditore për personat që udhëtojnë nga vendet e Afrikës së Jugut dhe Amerikës Jugore.
ShBA: Muaji janar po cilësohet të jetë ndër muajt më të rëndë që nga fillimi i pandemisë në Shtetet e Bashkuara.Kjo pasi vendi, që nga dita e martë, ka shënuar më shumë se 79 mijë viktima si pasojë e Covid-19, kështu duke tejkaluar rekordin e mëparshëm./GazetaShneta/