Rifat Latifi në një intervistë në vitin 2010 kishte deklaruar se në cilësinë e këshilltarit të ish-kryeministrit Thaçi, bashkë me një ekip ekspertësh amerikanë kanë bërë një platformë për zhvillimin e shëndetësisë dhe priste që e njëjta të implementohet
Ministri i Shëndetësisë Rifat Latifi i emëruar nga Albin Kurti, para më shumë se 10 vjetësh ka qenë këshilltar i ish-kryeministrit Hashim Thaçi, shkruan Gazeta Shneta.
Sipas një interviste të dhënë për Zërin e Amerikës në vitin 2010, Latifi kishte qëndruar në këtë pozitë për më shumë se dy vite.
Ai përmend një platformë që e kishte bërë së bashku me ekspertë amerikanë për zhvillimin e shëndetësisë në Kosovë, dhe sipas tij pritej që e njëjta të implementohej nga Qeveria Thaçi.
“Kryeministri Thaçi kur më ka angazhuar mua para dy vjetëve të jem këshilltar, unë kam krijuar një ekip jashtëzakonisht të mirë të mjekëve amerikanë dhe kemi ardh me një platformë të shkëlqyeshme që besoj se ajo së shpejti do të fillojë të adaptohet”, kishte thënë Latifi në këtë intervistë.
Megjithatë nuk dihet se cila ka qenë kjo platformë dhe nëse e njëjta ka filluar së implementuari në kohën e Qeverisë Thaçi. /Gazeta Shneta/