Një muaj nga udhëtimi në Austri, Rifat Latifi i ka hipur sërish aeroplanit për në Vjenë ku do të marr pjesë në një kongres të kirurgëve.
Ministri i Shëndetësisë Rifat Latifi nuk e ka ndërmend të ‘zbres’ nga aeroplani. Ai ka udhëtuar sot në Austri, vetëm një muaj pasi kishte qenë atje, shkruan Gazeta Shneta.
Në njoftimin e Ministrisë së Shëndetësisë thuhet se Latifi do të marr pjesë në Konferencën Ndërkombëtare të Kirurgjisë në Vienë e cila mbahet nga sot deri më 18 gusht.
“Në këtë konferencë, Ministri Latifi do të flasë dhe bëj një prezantim për sistemin shëndetësor të Kosovës si dhe angazhimet e tij si Ministër i Shëndetësisë për transformimin dhe zhvillimin e sistemit shëndetësor si dhe tema të tjera”, thuhet në njoftimin e MSH-së.
Ky është udhëtimi i dytë i Latifit në Austri, pas atij të korrikut ku u takua me homologun e tij austriak. /Gazeta Shneta/