I plotësuar – Latifi u operua nga apendiksi, MSH: Ministri është në gjendje stabile
Ministri Rifat Latifi i është nënshtruar një operacioni urgjent nga apendiksi, ose siç njihet ndryshe “zorra qorre”.
Ministria e Shëndetësisë ka dal me një njoftim zyrtar ku ka bërë të ditur se ministri Rifat Latifi i është nënshtruar një operacioni kirurgjik dhe gjendja e tij është stabile, shkruan Gazeta Shneta.
“Ministria e Shëndetësisë së Republikës së Kosovës, njofton opinion publik se gjendja shëndetësore e Ministrit të Shëndetësisë, Dr. Rifat Latifi është stabile. Ministri Latifi i është nënshktruar një intervenimi kirurgjik, nga apendixi”, thuhet në njoftimin e MSH-së.
Gazeta Shneta ka raportuar më herët se Latifi është paraqitur sot në orët e vona me dhimbje barku në Emergjencën e QKUK-së. Pas ekzaminimeve radiologjike ai është pranuar në kirurgji ku është operuar nga mjekët. /Gazeta Shneta/
________________________________________________________________________________________________
I plotësuar – Zyrtare: Ministri Latifi i nënshtrohet një operacioni në Kirurgji
Ministri Rifat Latifi i është nënshtruar një operacioni në Klinikën e Kirurgjisë në QKUK.
Lajmi është konfirmuar nga ud. drejtori i Klinikës Dr. Ferat Sallahu. “Po mund t’ju konfirmoj se ministri është pranuar në kirurgji për shkak të një problemi shëndetësor”, ka deklaruar Sallahu.
Gazeta ka kërkuar edhe një deklaratë nga stafi i kabinetit të ministrit për të mësuar gjendjen e tij shëndetësore, por deri më tani nuk kanë kthyer përgjigje.
Ministri Latifi ka kërkuar ndihmë mjekësore në Emergjencën e QKUK-së dhe pas ekzaminimeve radiologjike është pranuar në kirurgji. /Gazeta Shneta/
Ministri i Shëndetësisë është hospitalizuar në Qendrën Klinike Universitare.
Burime të Gazetës Shneta brenda QKUK-së, kanë bërë të ditur se ministri Latifi ka kërkuar ndihmë mjekësore.
Sipas burimeve, ministri është paraqitur me dhimbje barku dhe pas ekzaminimeve radiologjike tashmë gjendet në bllokun e kirurgjisë dhe mund t’i nënshtrohet një intervenimi urgjent.
Gazeta do të sjellë detaje të tjera në vazhdim…