Një lehonë në Klinikën e Gjinekologjisë në QKUK derisa po qëndron e shtrirë aty, e ka përshkruar si shumë të dobët ushqimin që i servohet. Ajo ka thënë se ushqimi në burgje është 100 fish më cilësor.
A.B. derisa po qëndron e shtrirë si lehonë në Klinikën e Gjinekologjisë në QKUK, e ka përshkruar ushqimin që i servohet brenda një dite. Sipas përshkrimit të saj, ushqimi në klinikë është mjaft i dobët, shkruan Gazeta Shneta.
“Dreka: Supë kryesisht miell me ndonje copë mish te bluar. Vështire të dihet cka përmban. Qorbë me patate (kryesisht uje, patate pak biber te kuq). Pire dhe gullash (gulash sërish miell me disa copa te vogla mishi). Përseritet”, ka shkruar A.B.
“Me kushtet që ky vend u ofron lehonave, është qudi si ne gratë po vazhdojmë të lindim fëmijë. P.S. në burgje ushqimi është 100 fish me cilësor”, ka shkruar lehona.
Lexoni postimin e saj të plotë:
Një ditë në QKUK, Spitali gjinekologjik. Ushqimi për lehonat:
Mëngjesi: Dita 1: Bukë me marmelatë dhe 1 got caj ose qumësht. Dita 2: Bukë me qokokrem dhe 1 gotë caj ose qumësht. Dita 3: 1 ve e zier, 1 copë djath. Persëritet në ditët ne vijim.
Dreka: Supë kryesisht miell me ndonje copë mish te bluar. Vështire të dihet cka përmban. Qorbë me patate (kryesisht uje, patate pak biber te kuq). Pire dhe gullash (gulash sërish miell me disa copa te vogla mishi). Përseritet.
Darka: Shpageta, makarona te ziera qe duken si qorbë, qorbë me patate (kryesisht uje, patate pak biber te kuq)..
E pastaj nga këto lehona pritet të jenë të forta ta ushqejnë foshnjen me qumësht gjiri vecanërisht ne rastet kur fëmijët janë në repartin e neonatologjisë për javë të tëra, apo fëmija është në kujdes intensiv e ka nevoj për qumësht sa më cilësor, të paisur me proteina, vitamina, minerale etj.
Me kushtet që ky vend u ofron lehonave, është qudi si ne gratë po vazhdojmë të lindim fëmijë.
P.S. në burgje ushqimi është 100 fish me cilësor.