Një studim i ri ka zbuluar se konsumimi i përditshëm i lëngut të portokallit ndikon në mijëra gjene të qelizave imunitare, duke sjellë efekte pozitive në tensionin e gjakut, inflamacion dhe metabolizmin e sheqerit.
Të rriturit që pinë 500 ml lëng portokalli çdo ditë për 60 ditë patën ulje të aktivitetit të gjeneve që lidhen me inflamacionin dhe presionin e lartë të gjakut, si IL6, IL1B, NLRP3 dhe SGK1. Këto ndryshime lidhen me relaksimin e enëve të gjakut dhe mbrojtjen e zemrës.
Studime të tjera tregojnë se lëngu i portokallit mund të ulë rezistencën ndaj insulinës, kolesterolin LDL, si dhe të rrisë kolesterolin “e mirë” HDL, shkruan Euronews transmeton Gazeta Shneta.
Po ashtu, ndikon pozitivisht në mikrobiomën e zorrëve dhe përmirëson funksionin e enëve të gjakut, sidomos tek personat me sindromë metabolike.
Sipas shkencëtarëve, ndikimet e vogla ditore krijojnë një efekt të rëndësishëm afatgjatë në shëndetin kardiovaskular, kryesisht falë përbërësit natyral hesperidin.