Një grua indiane, e cila ka sjellë në jetë një fëmijë në moshën 72-vjeçare ka pranuar se pas lindjes i kanë filluar probleme të shumta me shëndetin. 73-vjeçarja Daljinder Kaur nga Amritsar në Indi ka lindur fëmijën e saj të parë më 19 prill të vitit të kaluar, por që prej asaj kohe e deri më tani ajo ka vuajtur nga presioni i lartë i gjakut dhe nga dobësimi i trupit.
Armaan quhet djali i vogël që ka ardhur në jetë, për të cilën gruaja duhet të kujdeset si të ishte e re në moshë. “Kam pasur probleme me presionin e gjakut dhe lodhem shumë shpejt tani. Kam shkuar tek shumë mjekë dhe jam trajtuar me dieta të ndryshme, por nuk kam pasur rezultat. Jam e shqetësuar për Armaam, për të cilin duhet të kujdesem, por nuk kam fuqi. Më duhet ta mbaj në krahë por nuk kam fuqi. Trupi im është lodhur. Është më e vështirë sesa e kisha menduar”, – thotë gruaja.
Daljinder solli në jetë fëmijën e saj të parë pas 46-viteve martesë. Bashkëshorti i gruas, 80-vjeçari Mohinder Singh Gill prej vitesh ishte trajtuar me IVF (fertilizim invitro) por kishin dështuar, deri sa mrekullia për ta ndodhi në këtë moshë./Mapo/