Një ishull i largët brazilian në Atlantik, në të cilin është i ndaluar me ligj sjellja në jetë e fëmijëve, ka festuar një ngjarje “historike, siç po e quajnë ata, ardhjen e një fëmije në jetë pas 12 vitesh.
Fernando de Noronha, ishulli që gjendet 370 km larg qytetit Natal (230 milje), ka rreth 3.000 banorë, por kurrfarë shkalle të lindjeve. Nënave që planifikojnë të sjellin në jetë një fëmijë u kërkohet të udhëtojnë në tokën kontinentale për të lindur foshnjat e tyre.
Por, gruaja, e cila nuk dëshiron të identifikohet, solli në jetë një vajzë ditën e shtunë po në këtë ishull. Ajo justifikohet se nuk ishte në dijeni të shtatzënisë, ndërkohë që mbeti pa fjalë nga ngjarja. Nëna besohet të jetë 22-vjeçare.
“Mesnatën e së premtes pata dhimbje dhe kur shkova në tualet pashë diçka që dilte nga poshtë këmbëve të mia”, citohet të ketë thënë ajo për faqen braziliane të internetit “O Globo”. “Në atë çast erdhi babai i fëmijës dhe më asistoi në lindje. Ishte një bebe, një bebe e gjinisë femërore. Mbeta pa fjalë”.
Foshnja u dërgua më pas në një spital lokal. Lindja u konfirmua më pas edhe nga administrata lokale, shkruan Top Channel.
“Nëna, që preferon anonimatin, solli në jetë një foshnje në shtëpinë e saj – thuhet në deklaratë. – Familja e foshnjes thotë se nuk ishin në dijeni të shtatzënisë së saj”.
Për të festuar lindjen e rrallë, banorët lokalë kanë nisur të ndihmojnë familjen përmes dhurimit të rrobave për beben e gjinisë femër.