Hannah dhe Dan Bateson, nga County Antrim, Irlanda Veriore, zbuluan se vajzat e tyre ishin binjakë të bashkuar në një skanim 12-javor dhe ato lindën të sigurta vitin e kaluar.
Shanset për të pasur binjakë të bashkuar janë vetëm një në 2.5 milionë dhe familja tani i sheh ata si “mrekulli”. Ato ishin të bashkuar nga gjoksi në legen dhe kishin një fshikëz, zorrë dhe një këmbë të bashkuar, por në mënyrë thelbësore kishin zemra të ndara, shkruan The Mirror, transmeton Gazeta Shneta.
Tani mamaja Hannah ka thënë se atyre u pëlqen të qëndrojnë afër, pavarësisht se kanë një dhomë të plotë për të luajtur në shtëpinë e tyre.
Të lindur në mars të vitit të kaluar, ata janë ndër të paktat binjake që i janë nënshtruar me sukses operacionit të ndarjes. Dy vajzat, të cilat kanë nga një këmbë, janë përshtatur mirë që prej ndarjes dhe kanë zhvilluar personalitetin e tyre.
Çifti u martua në vitin 2016 dhe po përdornin ilaçin e fertilitetit Clomid kur Hannah mbeti shtatzënë.
Ajo tregoi për frikën kur dëgjuan pas skanimit 12-javor se foshnjat mund të jenë monoamniotike monokorionike (MCMA), që do të thotë se ata kanë jo vetëm të njëjtën placentë, por edhe ndajnë qesen amniotike. Dhe më pas u zbulua në një skanim tjetër në Spitalin Royal Victoria në Belfast se binjakët ishin të bashkuar.
“Unë as nuk e di nëse e kemi përpunuar me të vërtetë informacionin. Unë e kisha bërë gjithë këtë kërkim për binjakët MCMA, që ishte një gjë mjaft e madhe – pastaj mësuam se ata janë të bashkuar dhe kishte kaq pak informacion. Më dukej e vështirë. “tha Hannah.
Por, për fat të mirë, të dy fëmijët kishin zemra të ndara, gjë që është vendimtare për t’i ndarë ata.
“Ennie dhe Issie janë ndarë. Ishte një ditë shumë e gjatë, operacioni i tyre zgjati deri në orët e para të mëngjesit të së martës, por vajzat tona të vogla ia dolën shumë mirë,” thanë prindërit në atë kohë pas operacionit të suksesshëm.
Që atëherë, me kalimin e çdo muaji, prindërit po shohin zhvillimin e fëmijëve dhe së shpejti ata do të pajisen me mbajtëse për një këmbë protetike për të ndihmuar në stabilizimin e trupit të tyre.
Hannah ka hapur një faqe për të mbledhur para, për të paguar shpenzimet që duhen në rritjen e binjakeve./Gazeta Shneta/
Video se si dukeshin vajzat para operacionit.