Lindja e foshnjës nga incesti në Gjilan, babai: Ajo më ka provokuar

2019-01-31 në ora 18:15

Lindja e një foshnje nga incesti ndërmjet një vajze me djalin e dajës nga Gjilani, ka tronditur opinionin. Djali L.M. ka rrëfyer ngjarjen se si kanë kryer marrëdhënie seksuale me vajzën e mitur

Babai biologjik i fëmijës, L.M, në deklaratën e tij në Policinë e Kosovës, ka treguar ngjarjen. Ai thotë se është provokuar nga vajza e hallës, ndërsa thotë se me të kishte kryer marrëdhënie seksuale dy herë.

“Unë tani do ta tregojë të vërtetën sepse më herët më ka ardhur vështirë prej prindërve të mi për të treguar të vërtetën. Tani dua të shtojë këtë se në ditën kur ka ardhur E.R [vajza e hallës v.j]  Unë kam qenë në oborr duke rregulluar një kerr me kali, për të shkuar në mal për dru. I kam pre dhe i kam shitur e më pas jam kthyer në shtëpi ku jam pastruar në banjë”, thuhet më tej në deklaratën e tij dhënë Policisë së Kosovës, publikuar nga T7.

“Më pastaj jam shkuar në dhomën time për t’u ndërruar dhe pastaj ka hyrë E.R [Vajza e hallës v.j] ku më ka provokuar. Jemi përkëdhelur jemi puthur dhe kemi bërë marrëdhënie seksuale”, thuhet më tej.

Ai thotë se kishte bërë marrëdhënie seksuale edhe njëherë tjetër, me vajzën e hallës.

“Pastaj nga dhoma ime ku isha ne E kemi shkuar tek dhoma e nejës, pastaj kemi ra me flejë, u në kam ra me një shtrat me vëllain tim kurse E… në një shtrat me motrën time, kur jemi zgjuar në mëngjes kam shkuar në mal, I kam pru drutë deri në oborr, ka qenë diku ora 10:00 e para ditës, ka shkuar në katin e dytë të shtëpisë, aty ka ardhur E, edhe aty kemi pasur për herë të dytë marrëdhënie seksuale”, thuhet më tej në deklaratën e tij.

14 vjeçarja E.R. nga fshati Uglar i Gjilanit, lindi foshnjën e saj në fund të muajit dhjetorë të vitit që kemi lënë pas. Fillimisht u raportua se ajo kishte braktisur pas lindjen vajzën e saj foshnje, duke e lënë nën përkujdesjen e mamive të repartit të Neonatologjisë të Spitalit Rajonal të Gjilanit.

Kjo, pasi foshnja erdhi në jetë si pasojë e një incesti mes nënës së saj me djalin e dajës L.M.. Edhe ky i fundit doli të jetë i mitur – 16 vjeç. Rastin është duke u hetuar nga Policia dhe Prokuroria e Shtetit. Versionet e para të hetimit, nuk tregojnë se marrëdhënia mes të miturve të ketë qenë e dhunshme./Insajderi.com