Testet e shqyrtimit të shtatëzanisë kanë bërë të mundur që një çift të dijë nëse foshnja e tyre mund të ketë sindromën Down.
Sindroma Down është një gjendje gjenetike ku fëmija lind me një kopje shtesë të kromozomit të 21-të. Ky kromozom shtesë ndryshon rrjedhën e zhvillimit të fëmijës, fizikisht dhe duke prekur sistemin nervor, shkruan First Cry Parenting përcjell Gazeta Shneta.
Sipas DSE (Down’s Sindrome Education International), kjo gjendje prek midis 1 në 400 deri 1 në 1.500 bebe të lindura, frekuenca që ndryshon nga një vend në tjetrin.
Studiuesit besojnë se gratë më të moshuara kanë një rrezik më të madh të konceptimit të një fëmije me sindromën Down.
Kjo për shkak se vezët e grave më të moshuara kanë një rrezik më të madh të pësojnë ndarje të parregulltë të qelizave.
Për të mësuar më shumë rreth komplikimeve të shtatzënisë KLIKO KËTU.
Grafiku, sipas Shoqatës së Sindromës Down National (NDSS), mund të përshkruhet si më poshtë:
– Gratë shtatzëna në moshën 30 vjeç kanë një shans 1 në 1000 për të lindur një fëmijë me sindromën Down;
– Ato të moshës 35 vjeç kanë një shans 1 në 400 për të lindur një fëmijë me sindromën Down;
– Grup-mosha 42 vjece kanë një 1 në 60 shans për të lindur një fëmijë me sindromën Down;
– Ndërsa, gratë shtatzënë në moshën 49 vjeç kanë një shans 1 në 12 për të lindur një foshnjë me sindromën Down.
Sindroma Down mund të kalohet tek bebet nga nëna dhe babai nëse njëri prej tyre është bartës i zhvendosjes gjenetike.
Prindërit të cilët tashmë kanë një fëmijë me sindromën Down ose janë vetë bartës të ndonjë anomalie kromozomale, kanë një rrezik më të madh për të pasur një fëmijë tjetër me sindrome./Gazeta Shneta/