Qeveritë e Luksemburgut dhe Austrisë kanë ndihmuar Kosovën duke dhuruar donacion 41 mijë komplete testimi për diagnostikimin e Covid-19.
Ky donacion është dorëzuar sot në praninë e ministrit të Shëndetësisë Armend Zemaj dhe drejtorëve të IKSHPK-së dhe SHSKUK-së.
Zemaj ka thënë se testet e ardhura në kohë rekorde do të lehtësojnë luftën e Kosovës ndaj pandemisë Covid-19.
“Mendoj që me ngritjen e këtyre kapaciteteve sado pak mund të arrijmë dhe ne të jemi më stabil që të ecim më tutje. Dhe ne sa më shumë duhet t’i respektojmë masat që mos të ketë nevojë për testime dhe që mos ta ngarkojmë personalin mjekësor”, u shpreh Zemaj për EO.
Drejtori i IKSHPK-së Naser Ramadani ka thënë se tash janë rritur edhe kapacitetet e testimeve. Ai ka thënë se do të rritet numri i testimeve edhe në 6 institutet rajonale.
“Kanë sjellë në kontingjentin më të madh të testeve laboratorike dhe kanë sjellë 41 mijë teste të cilat do të shërbejnë për dignostikimin laboratorik të virusit COVID-19. Ne kemi rritur kapacitetet dhe do të vazhdojmë duke i rritur por për një kohë të shkurtër edhe në 6 institutet rajonale”, tha Ramadani për EO.
Ndërsa Ambasadori i Austrisë në Kosovë, Christoph Ëeidinger ka thënë se Austria do të vazhdoj gjithmonë të ndihmojë Kosovën dhe jo vetëm këtë herë me testime.