Pa dyshim se momenti më rraskapitës për nënat me foshnje është momenti kur duhet t’u vënë në gjum fëmijët e tyre.
Të vendosësh një fëmijë në gjumë duket thuajse e pamundur. Duke e ditur mjaft mirë këtë shqetësim një mama e re nga Islanda ka projektuar një kukull që ndihmon fëmijët të flenë më shpejtë dhe si mund të imagjinoni, prindërit janë të gatshëm të paguajnë shuma të pabesueshme për të patur një kukull të tillë në duart e tyre.
Kukulla që ndjell gjumë quhet Lulla, dhe u krijua nga Eyrún Eggertsdóttir, nënë e dy fëmijëve që ka studiuar psikologji. Duke ditur efektet pozitive të qënurit afër një fëmije në shtrat, Eggertsdóttir projektoi këtë kukull super të butë që me shtypjen e një butoni i stimulohet procesi i frymëmarrjes se qetë dhe të rrahurat e zemrës. Me sa duket, është e vërtetuar që karakteristikat e kukullës së “gjallë” e bëjnë atë një lodër perfekte për t’u pasur në shtrat.
Natyrisht, prindërit janë mrekulluar nga kjo kukull magjike dhe brenda pak ditëve janë shitur 5.000 të tilla. Daily Telegraph raporton që një kukull e tillë kushton nga 28 $ deri në 140 dollarë dhe mund të blihet në eBay.