Organizata Luxemburg Development do të jap donacion 500 mijë euro për ndërtimin e ndërtesës së odave të profesionistëve shëndetësor.
Kështu është njoftuar Oda e Mjekëve të Kosovës nga zyra e LuxDev në Prishtinë, pas kërkesës së kryetarit të OMK-së Dr. Pleurat Sejdiu që kjo organizatë të përkrah odat për ndërtimin e zyrave.
Profesionistët shëndetësorë kanë disa oda, Odën e Mjekëve, Odën e Infermierëve, Stomatologëve, Farmacistëve, Fizioterapeutëve. Të gjitha këto oda do të kontribojnë me 150 mijë euro për ndërtimin e zyrave.
Projektin pritet ta përkrah edhe Ministria e Shëndetësisë, ndërsa komuna e Prishtinës pritet të ndaj një parcelë. Aktualisht shumica e odave gjenden në ndërtesën e Instituteve A në QKUK, ndërsa të tjerat paguajnë qira për shfrytëzimin e hapësirave. /Gazeta Shneta/
