Ambasadorja e Care for Kosovo Kids dhe njëherësh fituese e medaljes së artë në Lojërat Olimpike, Majlinda Kelmendi, ka shkruar një mesazh të veçantë, duke u bërë thirrje të gjithëve në bashkim të iniciativës së komunitetit të BERZH.
“Unë kam dëshirë që secili fëmijë të ketë shansin e vet në jetë. Për këtë kam dhuruar numrin tim me të cilin kam fituar Medaljen e Artë në Lojërat Olimpike në Rio në Brazil. Shitja e atij numri ka sjellur të ardhura për ilaqet e fëmijëve kosovarë të prekur nga kanceri. Kjo më bënë krenare.”, shkroi Kelmendi.
Majlinda Kelmendi ishte shpallur ambasadore e fondacionit Care for Kosovo Kids më 14 Mars të këtij viti, shkruan Gazeta Shneta.
Kjo organizatë ndihmon fëmijët në Kosovë të prekur nga kanceri.
Kelmendi u bën thirrje të gjithëve që të dërgojnë para në formë donacionesh, pasi që sipas saj, të gjithë duhet të kenë shans në jetë. Fituesja e Medaljes së artë në Lojërat Olimpike thotë se shuma e dërguar nga ju do të dyfishohet nga Banka Evropiane për Zhvillim dhe Rindërtim.
“Ftoj që të më merrni shembull dhe të dhuroni për Care for Kosova Kids, që të gjithë të kenë shans në jetë. Shuma që dhuroni ju do të dyfishohet nga Banka Evropiane për Zhvillim dhe Rindërtim. Fëmijet kosovarë do të sherohen me ndihmën tuaj.”
-Për donacione përmes sms, i cili kushton 1 euro, shkruani cfkk dhe dergojeni në numrin 55556
– për donacione përmes llogarisë bankare: http://
– për donacione online: http://www.geef.nl/help-kids-in-kosovo-cure-cancer/donors