Mali i Zi pritet që të heq masën për kalimin e kufirit për kosovarët me test negativ brenda 48 orëve të fundit.
Këtë e ka bërë të ditur ministri i Shëndetësisë Armend Zemaj, gjatë raportimit të tij në Komisionin Parlamentar për Shëndetësi, shkruan Gazeta Shneta.
“Kemi bashkëpunim shumë të mirë me ministrat në rajon. Kemi biseduar me Malin e Zi dhe ata janë në shqyrtim të kësaj mase për hapjen e kufirit. Presim që kufirit të hapet dhe të hiqet kushtëzimi për testin negativ”, ka deklaruar Zemaj.
Raportimi i Zemajt për pandeminë Covid-19 në Kosovë po vazhdon në Komision që nga ora 10:00. /Gazeta Shneta/