Mamia Razije Musa mbështet nënat në javën e gjidhënies

2021-10-08 në ora 18:04

Në rrjetin social “Facebook”, mamia e shumënjohur Razije Musa ka treguar më shumë në lidhje me rëndësinë e gjidhënies.

Sipas mamisë, benefitet që sjell gjidhënia janë të rëndësishme dhe të shumta shkruan Gazeta Shneta.

Mësoni më shumë rreth komplikimeve të shtatzënisë duke lexuar KËTU

Poashtu, mamia inkurajon të gjitha nënat që të ushqejnë me gji foshnjen e tyre, por jo duke dekurajuar edhe nënat të cilat për arsyje të ndryshme nuk arrijnë të realizojnë në këtë proces.

“Gjidhënia është fillim i mbarë por si e vetme nuk e përcakton shëndetin e fëmijës tuaj.”, është shprehur ajo.

Gjatë procesit të gjidhënies, mamia rekomandon që të kujdeseni për stilin e jetës që i’a ofroni fëmijës suaj, ushqimin, higjienën e shumë faktorët të tjerë.

“Keqkuptimi i madh është se qumështi i gjirit i vetëm bënë mrekulli, kjo nuk ndodhë nëse nëna konsumon duhan, alkool apo ushqehet pashëndetshëm.”.

Së fundmi, mamia këshillon se në rastet kur është e pamundur për të ushqyer me gji foshnjen tuaj, të mos ndiheni fajtore, pasi edhe ju do të rrisni një fëmijë të shëndetshëm.

“Prandaj, bëni përpjekje maksimale për të ushqyer me gji por atëherë kur është e pamundur mos e ktheni kokën prapa, mos u ndjeni fajtore, ju do të rritni fëmijë të shëndetshëm nëse kujdeseni për ata, nëse i ushqeni shëndetshëm, i mbani fizikisht aktiv, dilni në natyrë e shumë çka tjetër.”

“Unë jam këtu për t’a ndihmuar çdo nanë në procesin e gjidhënies dhe për t’a ndihmuar e përkrahur çdo nanë që ushqen me formulë.”, ka shkruar ajo./Gazeta Shneta/