Razije Musa, kësaj radhe në llogarinë e saj në Facebook, tregon rreth procesit se si foshnja juaj afektohet nga ushqimi që ju si prindër konsumoni.
Mamia ka sugjeruar që gjatë gjidhënies të mos konsumohet alkool dhe të mos pihet duhan, pasiqë të gjitha këto do të ndikojnë në shëndetin e të vegjëlve tuaj.
Më poshtë lexoni këshillën e saj të plotë:
MISIONI JUAJ NUK PËRFUNDON ME GJIDHËNIE
Duke qenë se jam në kontakt të vazhdueshëm me nana po vërej një keqkuptim total rreth asaj se çka është gjidhënia.
Unë e kam thënë se gjëja më e mirë për nanën dhe fëmijën është gjidhënia por disa nana nuk kanë shfletuar më tutje.
Shembuj:
Nana nr.1 Konsumon duhan dhe një gotë verë ndërkohë që ka fëmijën e dytë në bark dhe tjetrin afër, i them se kjo është gabim i madh, më thotë “Hajt se i jap gji masi po thuni është langu magjik” dhe unë mbes e tronditur.
Nana nr2. Ushqen fëmijën katër muajsh me ushqime familjare, thotë le të haj çdo gjë se mjafton që e ka gjirin, dhe unë them që çdo gjë është gabim për moshën që ka.
Nana nr3. Ndërkohë që ushqen me gji në njëren anë në anën tjetër fëmija ushqehet totalisht pashëndetshëm, aq i vogël me gjëra të procesuara, plot ëmbëlsira, mbipeshë, langje të gazuara, në total asgjë në tavolinë nuk ishte ushqim i shëndetshëm.
Pra, ndaluni e më kuptoni drejtë, gjidhënia është super ushqim atëherë kur edhe nëna kujdeset se çka konsumon, kur fëmija ushqehet hap pas hapi.
Gjidhënia është fillim i shëndetshëm por nëse vazhdoni pastaj me ushqime të pashëndetshme ju po ktheheni tri hapa prapa, gjidhënia ndikon në shëndet më të mirë por jo totalisht e vetme pa i përfillur faktorët tjerë.
Prandaj, mos e merrni gjidhënien si proces që ju të jeni rehat me veten dhe të thoni mjafton që e ushqeva me gji dhe pjesës tjetër të mos i kushtoni rëndësi.
Gjidhënia,dashuria, kujdesi, ushqimi i shëndetshëm, prezenca në jetën e fëmijës duke ndikuar pozitivisht në shëndetin edhe psiqik të tyre e shumë faktorë të tjerë e bëjnë një fëmijë të shëndetshëm.
Kuptojeni drejtë dhe bëjeni me zemër e jo për emër.
Me dashuri, Razija.