Acidet yndyrore omega-3, të gjetura në peshk, burime me bazë bimore dhe suplemente omega-3, mund të parandalojnë rënien e funksionit të mushkërive te individët ndryshe të shëndetshëm.
Në një studim të madh të financuar nga Instituti Kombëtar i Shëndetit (NIH), studiuesit shikuan më thellë përfitimet e mundshme të acideve yndyrore omega-3 dhe publikuan gjetjet e tyre në “American Journal of Respiratory and Critical Care Medicine”.
Në mënyrë të veçantë, ata synonin të përcaktonin nëse nivelet e omega-3 në gjakun e një personi ishin të lidhura me shëndetin e mushkërive me kalimin e kohës, shkruan Health News përcjell Gazeta Shneta.
Për pjesën e parë të studimit, shkencëtarët rekrutuan 15,063 pjesëmarrës amerikanë dhe hetuan faktorët e rrezikut për sëmundjet kronike të mushkërive. Pjesëmarrësit nga raca të ndryshme ishin të shëndetshëm dhe shumica nuk kishin shenja të sëmundjes së mushkërive. Mosha mesatare e tyre ishte 56 vjeç dhe gati gjysma ishin femra.
Pas ekzaminimit të të dhënave, ekipi zbuloi se pjesëmarrësit me nivele më të larta të omega-3 në gjak kishin më pak rënie të funksionit të mushkërive. Në mënyrë të veçantë, acidi dokosaheksaenoik (DHA) duket se ka ndikimin më të madh.
Në fazën e dytë të hulumtimit, ekipi analizoi të dhënat nga mbi 500,000 pjesëmarrës nga Biobanka e Mbretërisë së Bashkuar. Ata shikuan shënuesit gjenetikë në gjak për të matur nivelet e omega-3 në gjak dhe i krahasuan me shëndetin e mushkërive të pjesëmarrësve.
Përsëri, rezultatet treguan se nivelet më të larta të omega-3 në gjak ishin të lidhura me funksionin më të mirë të mushkërive.
“Nevojiten më shumë kërkime pasi këto gjetje ngrenë pyetje interesante për studimet e ardhshme në lidhje me acidet yndyrore omega-3 dhe funksionit të mushkërive”, thanë studiesit.
Përveç peshkut, njerëzit mund të marrin omega-3 edhe nga burime të tjera, si suplementet e vajit të peshkut, arrat, fara chia, farat e lirit dhe si dhe ushqimet e përpunuara. /Gazeta Shneta/