Në Britani të Madhe nga data 24 shtator kanë hyrë në fuqi masat e reja kundër përhapjes së pandemisë Covid-19.
BBC shkruan se bizneset e gastronomisë duhet të mbyllen në ora 22:00, ndërsa gjatë orarit të punës janë përcaktuar disa masa për të mbrojtur klientët nga infektimi me Covid, transmeton Gazeta Shneta.
Stafi i restoranteve dhe kafiterive duhet të mbajnë maska gjatë shërbimit, ndërsa duhet të pastrojnë duart sa herë që kapin me duar një pjatë për të shërbyer.
Ndërkaq klientët janë të detyruar të mbajnë maska nëse nuk janë të ulur në një tavolinë dhe të mbajnë distancë së paku 1 metër plus.
“Muzika duhet të mbahet me volum minimal në mënyrë që të shmanget nevoja e klientëve për të bërtitur gjatë bisedës, gjë e cila rrit rrezikun e transmetimit të virusit”, thuhet në rregullat e reja, transmeton gazeta shneta.
Rregulli i uljes së volumit të muzikës është rekomanduar edhe më herët në Britani të Madhe, për të shmangur nevojën e klientëve që të bërtasin ose të afrohen me njëri-tjetrin për të dëgjuar më mirë gjatë bisedës.
Edhe në Kosovë me vendim të Qeverisë bizneseve të gastronomisë iu është ndaluar lëshimi i muzikës nga ora 21:00, ndërsa veprimtaria iu ndalohet pas orës 23:30. /Gazeta Shneta/