Lajmet për kancerin janë të mira tani për tani, por e ardhmja nuk duket aq e ndritshme, sipas një raporti të botuar këtë javë nga ‘Shoqata Amerikane për Studimin e Kancerit’.
Në raportin e lëshuar nga kjo shoqatë thuhet se numri i të mbijetuarve të kancerit që jetojnë në Shtetet e Bashkuara ka arritur një rekord të lartë, me më shumë se 16.9 milion të mbijetuar shkruan CNN përcjell Gazeta Shneta.
Ndër të tjera, shkalla e vdekjes nga kanceri në SHBA ra me 29% nga 1991 në 2017. Kjo është rreth 2.9 milion jetë të shpëtuara, thuhet në raport.
Por, pandemia Covid-19 ka pasur një ndikim negativ në kujdesin ndaj kancerit.
Gati 80% e njerëzve në trajtimin e kancerit kanë përjetuar disa vonesa në kujdes për shkak të pandemisë.
Duke parë të dhënat nga 190 spitale në 23 shtete, raporti gjithashtu zbuloi se një numër testesh për të kontrolluar kancerin e qafës së mitrës, gjirit dhe zorrës së trashë u ulën me 85% ose më shumë pasi rastet e para Covid-19 u diagnostikuan në SH.B.A.
Vonesat në shqyrtimet në lidhje me trajtimin e kancerit parashikohet të çojnë në më shumë se 10,000 vdekje shtesë nga kanceri i gjirit dhe kolorektal gjatë dekadës së ardhshme./Gazeta Shneta/