Trajtimi i ri terapeutik kundër COVID-19, i ashtuquajturi ‘Ronapreve’ – është i pari i këtij lloji – i cili ka marr dritën jeshile nga Agjencia Rregullatore e Produkteve të Barnave dhe Shëndetësisë (MHRA) që do të administrohet në Mbretërinë e Bashkuar.
Ronapreve është injeksioni i parë i antitrupave monoklonal në dispozicion për të ndihmuar në parandalimin dhe trajtimin e COVID-19, shkruan Express.co.uk përcjell Gazeta Shneta.
Ky injeksion funksionon duke qëndruar si një ‘ushtar mbrojtës’ në sistemin e frymëmarrjes. Kjo do të thotë nëse një koronavirus hyn në organizëm, atëherë trajtimi funksionon duke u lidhur fort për virusin për parandaluar të ketë qasje në qelizat e sistemit të frymëmarrjes.
Provat klinike të vlerësuara nga një ekip i përkushtuar i shkencëtarëve dhe mjekëve të MHRA-së kanë treguar se Ronapreve është efektive në këto pika:
– Për të parandaluar infeksionin;
– Për të promovuar zgjidhjen e simptomave të infeksionit akut Covid;
– Zvogëloni mundësinë e pranimit në spital për shkak të Covidit.
Sekretari i Shëndetit dhe Kujdesit Social, Sajid Javid, komentoi zhvillimin e ri në luftën kundër Covid-19.
“Ky është një lajm fantastik nga rregullatori i pavarur i barnave dhe kjo do të thotë që Mbretëria e Bashkuar ka miratuar terapinë e saj të parë të krijuar posaçërisht për COVID-19.”
Sajid Javid shtoi se: “Ky trajtim do të jetë një shtesë e rëndësishme në armaturën tonë për të trajtuar COVID-19”.
Bari Ronapreve është zhvilluar nga Regeneron/Roche dhe mund të administrohet ose me injeksion ose me infuzione.
Kompania zvicerane Roche, shpjegoi se kombinimi i antitrupave është treguar të jetë efektiv gjithashtu kundër variantit Delta. /Gazeta Shneta/