Qytetarëve në Spanjë tani u kërkohet të vendosin maska për fytyrë në hapësirat publike kur nuk mund të garantohet një distancë minimale prej dy metrash, njoftoi Ministria e Shëndetësisë.
Rregulli vlen për të gjithë personat, duke përfshirë edhe fëmijët mbi moshën 6 vjeçare, si në hapësirat e mbyllura, ashtu dhe ato të jashtme shkruan CNN, transmeton GazetaShneta.
Në këtë rast, përjashtim bëjnë personat që kanë probleme me frymëmarrje ose aftësi të kufizuara të papajtueshme me maska.
Megjithëse, ministria rekomandon maska higjenike dhe kirurgjike, lejohet çdo lloj maske që mbulon hundën dhe gojën./GazetaShneta/