Deri tani, me siguri keni dëgjuar pjesët kryesore të këshillave për të shmangur koronavirusin: vendosni maskën, lani duart, shmangni tubimet.
Por, ka edhe një aspekt më shumë ndaj infeksionit që ka marrë vëmendje tregon CNN, transmeton GazetaShneta.
Provat tregojnë se infeksioni Covid-19, ka të bëjë me kohën e ekspozuar ndaj virusit. Sa më gjatë të qëndroni në një mjedis që mund të përmbajë virusin, aq më i lartë është rreziku për t’u sëmurë.
Erin Bromage, imunolog dhe profesor i biologjisë në Universitetin e Massachusetts Dartmouth, e përmblodhi atë me një ekuacion të shkurtër:
Infeksion i suksesshëm = Ekspozimi ndaj virusit x Koha
Ideja kryesore është që njerëzit infektohen kur janë të ekspozuar ndaj një sasie të caktuar të grimcave virale. Ai prag viral mund të arrihet nga teshtima ose kollitja e një personi të infektuar, i cili lëshon një numër të madh të grimcave virale në ajër.
Por, një person i infektuar duke folur lëshon grimca në ajër dhe për një periudhë të gjatë kohore, në një hapësirë të mbyllur, akoma mund të infektojë të tjerët.
“Sa më gjatë të kaloni në atë mjedis, aq më shumë jeni në rrezik, “tha Bromage./GazetaShneta/