Në shtator të këtij viti është publikuar një studim në portalin Greenme.it, sipas së cilit nënat duhet të tregojnë kujdes në lidhje me qumështin e formulës që janë duke përdorur tek fëmija. Studimi u paraqit fillimisht nga K-Tipp, gazeta më e madhe e konsumatorit në Zvicër, e cila paraqet të dhëna të rëndësishme nga studime që kryhen në lidhje me ushqimin.
Sipas tyre, tek disa marka të qumështit të formulës gjenden dy substanca toksike, dhe ky rezultat u paraqit pas kryerjes së një testi.
Përse bëhet fjalë?
Nuk është hera e parë që flitet në lidhje me përdorimin e vajit të palmës tek ushqimet e bebeve, dhe rreziqet që sjell në shëndetin e tij. Pas dyshimeve, janë kryer analiza për 10 marka të qumështit pluhur kryesisht edhe në lidhje me përmbajtjen e 3-MCPD (një substancë e dëmshme që clirohet nga trajtimi i vajit të palmës). Edhe pse është shumë e dëmshme ende nuk është arritur të gjendet një mënyrë për ta larguar nga proçeset industriale. Diferencën në produkte e bën sasia e saj. Ka qënë EFSA, autoriteti europian për sigurinë ushqimore që ka përcaktuar limitet e kësaj substance, duke klasifikuar qumështet sipas rrëzikut që kanë.
Cilat janë markat për të cilat nënat duhet të tregojnë kujdes?
Qumështi “Hero”. E ka 3-MCPD 14 herë më të lartë se norma;
Bimbosan Classic 1 e ka 5.3 herë më të lartë;
Alnatura e ka 3.3 herë më të lartë;
Aptamil pronutra 1 e ka 2.94 herë më të lartë;
Milupa milumil 1 e ka 2.6 herë më të lartë;
Holle e ka 2.1 herë më të lartë;
Nestle beba 1 optipro e ka 1.6 herë më të lartë;
Bimbosan superpremium 1 e ka 1.6 herë më të lartë;
Nestle beba 1 Ha optipro e ka 1.2 herë më të lartë;
Hipp e ka 1.3 herë më të lartë.
Tek qumështi Hero baby, bimbosan superpremium dhe classic gjendet edhe nje substancë tjetër, glicidoli, e cila sipas EFSA është koncerogjene dhe nuk duhet të ndodhet tek ushqimet./pernenat.al/