1 mijë e 197 raste pozitive me coronavirus janë regjistruar në Kosovë gjatë 24 orëve të fundit nga 3 mijë e 550 mostra të testuara në Institutin Kombëtar të Shëndetësisë Publike.
Sipas raportit të Ministrisë së Shëndetësisë gjatë 24 orëve të fundit nuk është shënuar asnjë rast i vdekjeve me COVID-19 përderisa janë shëruar 1 mijë e 30 qytetarë të tjerë.
Aktualisht në Kosovë janë 8 mijë e katër raste aktive me COVID-19.
Në anën tjetër interesimi më vaksinim vazhdon të mbetet i ulët. MSh ka bërë të ditur se gjatë 24 orëve të fundit janë dhënë 54 doza të vaksinës anti-COVID.
Deri më tani me një dozë të vaksinës janë vaksinuar mbi 903 mijë qytetarë, me dozën e dytë mbi 824 mijë qytetarë, me dozën e tretë mbi 104 mijë qytetarë ndërsa me dozën e katërt janë vaksinuar 1 mijë e 565 qytetarë.
Të drejtë vaksinimi me dozën e katërt kanë vetëm grupmoshat mbi 60 vjec, ndërsa me tre dozat e tjera të vaksinës mund të vaksinohen grupmoshat mbi 12 vjec.
Vaksinimi kundër coronavirusit në nivel vendi ka filluar më 29 mars 2021. /Gazeta Shneta/