Në Institutin e Patologjisë për 11 muaj janë ofruar 17 mijë e 125 shërbime për pacientët.
Sipas raportit të Shërbimit Spitalor Klinik Uninversitar të Kosovës gjatë kësaj kohe janë analizuar 10 mijë e 840 mostra bioptike dhe 1 mijë e 300 mostra citologjike.
“Për 11 muaj, janë punuar 2 mijë e 511 papteste nga Klinika e Gjinekologjisë dhe 1 mijë e 584 papteste të screening, 33 analiza me ngjyrime histokimie, 842 analiza me ngjyrime imunohistokimike dhe janë kryer 2 raste te autopsies”, thuhet gjithashtu në raport.
Nga shtatë Spitalet Publike në vend – vetëm ai në Prizren, kryen shërbime bioptike përmes Laboratorik Patologjik, ndërsa disa nga spitalet rajonale nuk e kanë të funksionalizuar fare Laboratorin Patologjik apo ofrojnë shërbime gjysmake.
Instituti Patologjik i cili gjendet në oborrin e Qendrës Klinike Universitare të Kosovës më saktësisht në ish- objektin e Fakultetit të Mjekësisë është i vetmi institut në të cilin kryhen të gjitha shërbimet bioptike./Gazeta Shneta/
Spitalet Rajonale nuk përmbushin kriteret për Laborator Patologjik