Spitali i Përgjithshëm “Dr. Sami Haxhibeqiri” ka përmbyllur tremujorin e parë të vitit 2026.
Sipas të dhënave zyrtare, gjatë muajve janar, shkurt dhe mars, në këtë institucion janë trajtuar gjithsej 3,291 pacientë të shtrirë, të cilët kanë përfituar kujdes shëndetësor në repartet e ndryshme.
Pacientët janë trajtuar në repartet internistike dhe ato kirurgjike, ku përveç trajtimeve të specializuara janë realizuar edhe ndërhyrje operative, të ndjekura nga monitorim i vazhdueshëm pas operacioneve.
Ndërkohë, gjatë kësaj periudhe janë regjistruar mbi 11,000 ditë qëndrimi në spital, një tregues i shfrytëzimit të lartë të kapaciteteve dhe angazhimit të stafit për ofrimin e kujdesit të pandërprerë 24 orë.