Një studim i prezantuar në Takimin Vjetor të Shoqatës Europiane për Studimin e Diabetit (EASD) tregon se mbi 4 milion persona do të ishin gjallë në vitin 2025 nëse do të kishin pasur qasje adekuate në kujdesin për diabetin tip 1 (T1D).
Sipas analizës globale, numri i personave që do të preken nga T1D pritet të arrijë 9.5 milion në 2025 dhe deri në 14.7 milion në 2040.
Studimi evidenton një pabarazi të madhe në kujdesin për diabetin tip 1, me vdekje dhe jetë të humbura veçanërisht në vendet me të ardhura të ulëta dhe qasje të kufizuar ndaj insulinës dhe shërbimeve shëndetësore, shkruan MedicalXpress transmeton Gazeta Shneta.
India është vendi më i prekur nga vdekjet e parakohshme për shkak të mungesës së diagnozës, me rreth 159,000 persona që kanë vdekur të pa diagnostikuar.
Ekspertët theksojnë se diagnostikimi i hershëm, qasja në insulinë dhe furnizimet për diabetin mund të shpëtojnë miliona jetë.
Studimi nënvizon nevojën urgjente për përmirësim të kujdesit dhe mbikëqyrjes globale, për të zvogëluar numrin e personave të humbur dhe për të siguruar trajtim cilësor për të gjithë pacientët me T1D./Gazeta Shneta/