Mbi 700 pacientë janë duke u trajtuar në klinikat Covid të QKUK-së dhe në spitale rajonale.
Në klinikat Covid të Qendrës Klinike Universitare janë gjithsej 261 pacientë të hospitalizuar, prej të cilëve 23 janë në kujdesin intensiv, shkruan Gazeta Shneta.
Ndërkaq në spitalet rajonale janë duke u trajtuar 447 pacientë të sëmurë me koronavirus. Nga numri total i pacientëve, 13 janë në respiratorë, 47 në CPAP ndërsa 489 janë duke u mbështetur me oksigjen.
Në 24 orët e fundit në Kosovë është shënuar rekord i rasteve të të infektuarve. IKSHPK ka konfirmuar se nga 2056 testime, 963 kanë rezultuar pozitiv ndërsa janë shënuar 13 viktima.
Numri total i rasteve pozitive është 27.851 raste nga 115.794 persona të dyshimtë në virusin SARS-CoV-2 dhe 798 raste të vdekjes. /Gazeta Shneta/