Ministria e Shëndetësisë ka njoftuar se deri më tani kanë aplikuar mbi tre mijë qytetarë për vaksinim me vaksinën anti-Covid.
“Gjatë tre ditëve të para të aplikimit përmes platformës ekosova.rks-gov.net janë regjistruar 3256 qytetarë për vaksinim kundër COVID-19, prej të cilëve 316 persona mbi 80 vjeç; 1435 të moshës 61-80 vjeç, kurse pjesa tjetër janë të moshës nën 60 vjeçe”, thuhet në njoftimin e MSH-së.
Ministria poashtu ka treguar linkun ku mund të regjistroheni për të aplikuar për vaksinim. Klikoni KËTU.
“Për çfarëdo problemi që qytetarët mund të hasin gjatë aplikimit, mund ta adresojnë atë përmes imel adresës : [email protected] dhe ne faqen e-kosova në rrjetin social facebook”, thuhet në njoftim.
Deri në mesditën e sotme, në Kosovë janë vaksinuar 1228 qytetarë, profesionistë dhe nëpunës të institucioneve shëndetësore, me vaksinën AstraZeneca. /Gazeta Shneta/