Kryeministri i Kosovës Avdullah Hoti ka paralajmëruar ditën e djeshme se do të ketë rikthim të masave nëse vazhdon përhapja e virusit.
Hoti ka deklaruar se rastet po rriten shumë shpejt dhe me këtë ritëm pritet të bllokohet Klinika Infektive. “Nëse vazhdon ky ritëm, do të detyrohemi t’i kthejmë masat e izolimit total, të cilat do të kenë pasoja të rënda për ekonominë dhe familjet tona”, ka deklaruar Hoti.
Edhe këshilltari i tij Dr. Visar Berisha, i cili është edhe kryesues i Komisionit Ekzekutiv për monitorimin e situatës me Covid-19, ka thënë se masat restriktive duhet të rikthehen sa më parë.
E pas këtyre paralajmërimeve, kryeministri sot do të mbajë mbledhje bashkë me Komisionin Ekzekutiv për të vendosur se si do të veprohet më tutje. Pas këtij takimi do të ketë edhe një konferencë për media. /Gazeta Shneta/