Sipas një ankete të re, përdorimi i medikamenteve GLP-1 për humbje peshe po ka një ndikim të rëndësishëm në fushën e kirurgjisë plastike të fytyrës.
Anketa e vitit 2024, e realizuar nga Akademia Amerikane e Kirurgjisë Plastike dhe Rinologjike (AAFPRS), tregoi se ndërhyrjet kirurgjikale më të kërkuara mbeten rinoplastia, face-lifts dhe blefaroplastia. Megjithatë, kirurgët plastike të fytyrës raportuan një rritje prej 50% të procedurave të grafting-ut të yndyrës, një trend që ka të bëjë me adresimin e problemeve të lidhura me “fytyrën e Ozempic” dhe rikthimin e volumit të humbur në fytyrë shkruan HealthDay transmeton GazetaShneta.
Një në katër kirurgë parashikojnë se medikamentet GLP-1 do të nxisin kërkesën për trajtime jo-kirurgjikale, si mbushësit injektues dhe procedurat e shtrëngimit të lëkurës. Gjithashtu, 10% e anëtarëve të AAFPRS kanë filluar të përshkruajnë vetë medikamente GLP-1. Një tjetër trend i shënuar është dëshira për rigjenerimin e fytyrës si pjesë e “makeover-ve të menopauzës”.
Sipas anketës, 57% e përgjigjësve parashikojnë që mjekësia rigjeneruese, përfshirë trajtime si plazma e pasur me trombocite dhe terapitë me eksosome, do të bëhet një fushë kryesore e inovacionit në estetikë. Po ashtu, meshkujt janë duke kërkuar gjithnjë e më shumë procedura kozmetike, me 92% të kirurgëve që raportojnë pacientë meshkuj në praktikat e tyre; blefaroplastika, rinoplastika dhe face-lift ishin procedurat më të kërkuara./GazetaShneta/