Një nënë e re është ndarë në mënyrë tragjike nga jeta, vetëm 10 javë pasi kishte lindur foshnjën e saj.
Laurel Cohen, 38 – vjeç, kishte menduar se dhimbjet e barkut ishin shenja të shtatzënisë, por këto më vonë i shkaktuan asaj vdekjen.
Një terapist profesionist, në repartin e Onkologjisë në University College Hospital të Londrës, tha se 38 – vjeçarja kishte rezultuar mirë në çdo kontroll që kishte bërë gjatë periudhës së shtatzënisë.
Por, në javën e saj të 35 -të, Laurel kishte dhimbje të tmerrshme barku, që vijuan të përkeqësoheshin.
Katër ditë më vonë, gruaja lindi vajzën në mënyrë të parakohshme, përmes ndërhyrjes cezariane.
Fillimisht edhe mjekët dyshuan se kjo anomali vinte si rezultat i efekteve anësore të shtatzënisë, por më pas ata zbuluan një gungë të madhe në mëlçinë e të ndjerës, që ishte një tumor, transmeton tvklan.
Rezultatet e biopsisë konfirmuan se Laurel vuante nga kanceri i zorrëve, që ishte përhapur në mëlçi. Fatkeqësisht ajo humbi jetën 10 javë pas lindjes së vajzës.