Ngrënia e një ushqimi të caktuar “menjëherë” pas hudhrës mund të largojë erën e keqe të gojës.
Autori i lartë i studimit dhe profesori i Universitetit Shtetëror të Ohajos, Doktor Sheryl Barringer, ka hulumtuar më parë ushqime të ndryshme për të nxjerrë përfundimin nëse edhe ato mund të largojnë aromat nga goja shkruan Express.co.uk përcjell Gazeta Shneta.
Ndër ushqimet e treguara tashmë për të luftuar erën e hudhrës janë marulja, molla, qumështi dhe çuditërisht – nenexhiku.
Si pjesë e këtij studimi, ekipi vendosi sasi të barabarta hudhre të papërpunuara në shishe qelqi.
Më pas ata analizuan nivelet e molekulave të avullueshme në formë gazi, të cilat ishin të pranishme si para dhe pas çdo trajtimi.
Studiuesit zbuluan se vetëm kosi zvogëloi pothuajse të gjitha (99 përqind) elementeve të paqëndrueshme kryesore të hudhrës së papërpunuar që prodhojnë erë.
Po ashtu, studiuesit testuan efektet e aromatizimit të kosit në hudhrën e skuqur, e cila tashmë u zbulua se kishte komponime të paqëndrueshme që shkaktojnë erë sesa hudhra e papërpunuar.
Prandaj, kosi neutralizonte një përqindje më të ulët të përbërjeve të paqëndrueshme në hudhrën e skuqur në krahasim me hudhrën e papërpunuar.
Në përgjithësi, Dr. Barringer sugjeron që kosi grek – i cili ka një vlerë më të lartë proteinash se kosi i thjeshtë i qumështit të plotë – mund të jetë mënyra më efektive për të hequr qafe erën e hudhrës.
“Me mollët, ne gjithmonë kemi thënë t’i hamë ato menjëherë,” tha Dr. Barringer.
“E njëjta gjë me kosin supozohet të jetë rasti: hani hudhrën tuaj dhe pini kos menjëherë”. /Gazeta Shneta/