Bashkëshortja e ish-kryeministrit të ndier Bajram Rexhepit, Shpresa, sot ka folur për herë të parë pas vdejkës së bashkëshortit.
Shpresa përmes një shkrimi mjaft emocionues në rrjetet sociale, ka treguar se dhimbja për humbjen e bashkëshortit, sa vjen dhe po shtohet më shumë.
Ajo ka thënë se dhimbjen dhe mungesën e tij po e ndjejnë edhe më shumë tani pas mbylljes së ngushllimeve, transmeton magazina.
Shpresa në emrin e saj dhe të vajzës së tyre Vanesës, ka falenderuar të gjithë ata që gjatë këtyre ditëve i kanë qëndruar pranë familjës, shkruan Ora Info, transmeton Gazeta Shneta.
Ky është shkrimi i plotë:
Dhimbja që përjetuam në ditët që kaluam pas ndarjes fizike nga ne e Bajramit, sa vjen dhe po shtohet më shumë. Zbrastësinë që ka lënë në mesin tonë tani pas mbylljes së ngushëllimeve po e ndjejmë edhe me thellë!
Kemi marr telegrame të shumta të ngushllimit dhe kemi prit në vizita ngushlluese shumё personalitete të politikës, kulturës e artit, intelektual të ndryshëm, miqë ndërkombëtar, individ dhe familje anëkënd Kosovës, Shqipërisë, Maqedonisë, Lugines së Preshevës dhe të gjitha trojeve shqipëtare, si dhe vendeve fqinje, për çka familja, unë si bashkëshorte në emër timin, në emër të Vanesës dhe në emër të gjithë familjes Rexhepi u jemi përjetësisht mirёnjohës!
Ndarja e dhimbjes suaj me ne për bashkëshortin, babain, vëllaun dhe familjarin tonë, e mikun tuaj Dr. Bajram Rexhepin, tregon se ai nuk ishte vetëm i yni, ashtu siç tregoi edhe Ai me veprimtarinë e tij gjatë gjithë jetës së tij sa ishte gjallë se sa shumë e donte vendin dhe popullin e tij.
Duam që me përulje të ju falenderojmë të gjithëve ju që sinqerisht keni ndarë dhimbjen tonë dhe na e lehtësuat atë në momentet me të vështira për ne.
Falendërojmë institucionet tona shëndetësore të cilët u angazhuan dhe u përkujdesen për trajtimin shëndetësor të Bajramit.
Një falenderim të veçantë dhe mirënjohje të përherëshme kemi për shtetin e Turqisë, të cilët morën përsipër dhe u kujdesen për muaj të tërë për shërimin e tij në klinikat më prestigjioze të tyre shtetërore,duke na kursyer nga cdo obligim.
Po ashtu një falenderim i veqantë edhe për institucionet tona në organizimin e ceremonisë dinjitoze të varrimit.
Ua kthefshim në të mirë e gëzime!
Me respekt,
Shpresa, Vanesa dhe e gjithë familja Rexhepi. /Gazeta Shneta/