Një mësuese e pavaksinuar, e cila largoi maskën gjatë orës së mësimit, përfundoi duke infektuar më shumë se gjysmën e nxënësve, bën të ditur zyrtarët e shëndetit publik në Kaliforni.
Sipas Dr. Rochelle Walensky, drejtoreshë e Qendrave Amerikane për Kontrollin dhe Parandalimin e Sëmundjeve (CDC), ky është një shembull për të minimizuar mundësitë për infektim, duke u vaksinuar shkruan CNN, transmeton Gazeta Shneta.
Mësoni më shumë rreth komplikimeve të shtatzënisë duke lexuar më shumë KËTU
Ndonëse kishte simptoma të Covid, mësuesja supozonte se ato simptoma ishin si rezultat i alergjisë.
Si përfundim, në klasën e përbërë prej 22 nxënësve, 12 prej tyre u infektuan me Covid.
Ndonëse, shkolla kërkoi nga mësimdhënësit dhe nxënësit që në ambiente të mbyllura të mbahej maska, sipas CDC-së ky duhet të jetë një shembull sesi shkollat duhet të ndjekin me kujdes rekomandimet për të mbrojtur stafin dhe nxënësit.
“Transmetimi i virusit në klasë nga një mësimdhënëse që kishte simptoma, nuk ishte e vaksinuar dhe për një moment largoi maskën që të lexonte me zë në klasë, rezultoi që brenda klasës të infektohen nxënësit, poashtu dhe stafi”, tha Walensky.
“Ne e dimë si t’i mbrojmë fëmijët tanë në shkolla. Ne kemi mjete”.
“Vaksinimi është strategjia kryesore për t’i dhënë fund pandemisë Covid.”
Ani pse, adoleshentët 12-vjeçarë nuk kanë të drejtë vaksinimit, e rëndësishme është që përreth tyre, personat tjerë të jenë të vaksinuar në mënyrë që të mbrohet shëndeti i tyre./GazetaShneta/