Nëse ju ndodh që kur shkoni për të kryer nevojat personale në tualet, vëreni gjakderdhje duhet t’a merrni menjëherë në konsideratë.
Pasi, gjaku shkaktohet nga faktorë të ndryshëm. Prandaj, e rëndësishme është të të drejtoheni direkt të merrni konsultim apo trajtim mjekësor.
Gjithashtu, ngjyra e gjakut ju ndihmon të zbuloni komplikimet tuaja shëndetësore. Nëse gjaku ka ngjyrë shumë të errët do të thotë se mund të keni ulçerë në stomak.
Ulçera është një sëmundje shumë e zakonshme, por kapja në kohë e saj, ndikon në kurim të shpejtë. Për shumicën e rasteve, trajtimi është relativisht i thjeshtë.
Marrja e ilaçeve të duhura, zvogëlimi i stresit, ulja e konsumimit të alkoolit dhe pirjes së duhanit mund të ndihmojnë në shërimin e saj.
Nëse gjaku është me ngjyrë të kuqe të ndezur do të thotë se keni probleme me zorrën e hollë ose atë të trashën.
‘Hemorroide’, quhet çrregullimi që ndodh në zorrë, i cili zakonisht shkakton gjak të kuq të ndritshëm në letrën higjienike që përdorni në tualet.
“Hemorroidet janë të frikshme sepse ato rrjedhin shumë”, thotë mjeku Niket Sonpal nga New York, i cili sugjeron ndryshime dietike të fibrave, si një mënyrë për të parandaluar këtë sëmundje në zorrë, shkruan noa.al.
Një tjetër shkak i zakonshëm i gjakut të kuq të ndritshëm, që del me jashtëqitjen mund të jetë një çarje anale, e cila mund të jetë si pasojë e kapsllëkut.