Sipas Qendrës për Kontrollin e Sëmundjeve (CDC) në SHBA, përmbytja është shkaku kryesor i humbjes së jetës apo edhe lëndimëvë të rënda për fëmijët e moshave 1-4 në SHBA. Në 2017, pothuajse 1,000 fëmijë kanë humbur jetën nga mbytja, ndërsa 8,700 janë dërguar në spital për shkak të një ngjarjeje të përmbytjes. Të vegjëlit dhe adoleshentët ishin ndër ata që ishin në rrezik më të lartë.
Ndërsa moti ka filluar të ngrohet dhe koha e pishinave dhe e pushimeve në det po afron, është e rëndësishme për prindërit që të shqyrtojnë udhëzimet për sigurinë gjatë qëndrimit në ujë.
Një nga rekomandimet kryesore është se fëmijët duhet të fillojnë mësimet e notit në moshën një vjeçare, përcjellë GazetaShneta.
Në fakt, asnjëherë nuk jemi tepër të rinj për të mësuar notin. Por kurrë mos harroni se ndërsa noti është i nevojshëm dhe i dobishëm, duhet të kuptoni se mësimet e notit nuk janë një garanci e plotë që ju shpëjtonë nga rastet fatale; andaj prindërit këshillohen që gjithnjë të mbikëqyrin fëmijet e tyre, t’i veshin me xhaketat e shpëtimit, asnjëherë të mos i lënë vëtëm në ambientet me ujë, dhe të mos hutohen psh. nga telefonat etj.
Gjëra të tjera që prindërit duhet të kenë kujdes janë në momentet kur i pastrojnë fëmijët në banjë. Duhen të jenë të vëmendshëm në kohën e banjës ose në afërsi ku mund të ketë kova me ujë që menjëherë pas përdorimit të tyre, ato duhet ti zbrasin dhe të sigurohen që fëmijët janë nën shoqërimin e tyre ose të ndonjë kujdestari tjetër./GazetaShneta/