Mikroplastikat mund të kontribuojnë në bllokimin e arterieve, duke rritur rrezikun për sulm në zemër ose tru, zbulon një studim i ri.
Pllakat yndyrore në arteriet e qafës mund të përmbajnë më shumë se 50 herë mikroplastika sesa arteriet që nuk kanë pllaka, raportuan Shoqata Amerikane e Zemrës, shkruan burimi Health Day përcjell Gazeta Shneta.
Këto nivele të grimcave plastike ishin edhe më të larta tek pacientët që kishin përjetuar më parë një sulm në tru, një mini-sulm ose humbje të përkohshme të shikimit për shkak të bllokimit të enëve të gjakut, sipas studiuesve.
“Këto lloje plastikash gjenden zakonisht në mjedis, veçanërisht në grumbujt e mbeturinave plastike në oqeane. Gjatë shumë viteve, këto plastika shpërbëhen, përzihen me tokën dhe ujin dhe mund të grumbullohen në zinxhirin ushqimor,” tha udhëheqësi i studimit, Dr. Ross Clark, kirurg vaskular dhe shkencëtar në Universitetin e Nju Mexico në Albuquerque.
“Shumë njerëz mendojnë se mikroplastikat dhe nanoplastikat vijnë kryesisht nga përdorimi i enëve plastike, dërrasave të prerjes, ambalazheve, shisheve të ujit dhe sendeve të tjera plastike,” vazhdoi ai. “Megjithatë, burimi kryesor është ushqimi dhe uji që hamë dhe pimë.”
Nanoplastikat janë grimca plastike më të vogla se 1,000 nanometra në përmasa, të padukshme për syrin e njeriut. Për krahasim, një fije floku e njeriut është 50,000 deri në 80,000 nanometra e gjerë.
Gjetjet e paraqitura në takime mjekësore duhet të konsiderohen paraprake derisa të publikohen në një revistë shkencore me shqyrtim të kolegëve. /Gazeta Shneta/