Ministri i Shëndetësisë Rifat Latifi ndau sot mirënjohje për përfaqësuesit e institucioneve të ndryshme në Kosovë, përfshirë edhe misione ndërkombëtare, të cilat kontribuuan drejtpërdrejt në procesin e vaksinimit kundër COVID-19.
“Pa angazhimin dhe ndërveprimin e mirë midis të gjitha institucioneve të përfshira në vaksinimin kundër COVID-19, rezultatet do të ishin ndryshe dhe jo këto që bëjnë që Kosova të jetë një tregim suksesi sa i përket vaksinimit kundër COVID-19, përkundër fillimit të vonshëm dhe sfidave të shumta që e kanë shoqëruar këtë proces, tha ministri Latifi.
Ai tërhoqi vëmendjen se pandemia COVID-19 nuk ka mbaruar dhe kërkoi nga të gjitha institucionet që të vazhdojnë me punë për të bindur sa më shumë qytetarë që të vaksinohen me dozën e parë dhe të dytë, ndërsa ata që i kanë marrë nga dy doza, ta marrin edhe dozën e tretë apo përforcuese.
“Ka ende qytetarë që nuk janë vaksinuar apo hezitojnë ta bëjnë këtë, por ne u themi që të vaksinohen, sepse kështu do ta ruajnë shëndetin e tyre dhe të familjarëve”, tha Ministri Latifi.
Mirënjohjet iu ndan disa institucioneve përfshirë Policinë e Kosovës, stacionin e Jugut në Prishtinë i cili udhëhiqet nga Major Vjollca Hoti. /Gazeta Shneta/