Ministri i Shëndetësisë, Rifat Latifi, është takuar sot me disa organizata të qeverive të huaja të cilët dhurojnë donacione për shëndetësinë në Kosovë tash e disa vite shkruan Gazeta Shneta.
Për këtë takim, ka reaguar Kryetari i Shoqatës së Pacientëve, Besim Kodra. Ai në reagimin e tij ka ngritur dy çështje, strategjin e ministrisë për shëndetësin në vend dhe shërbimet parësore, të cilat sipas tij duhet të ofrojnë 80 përqind të shërbimeve.
“E para, si mund të mbash takim me donatorët kur nuk ke strategji të shëndetësisë? Çka me të përkrahë ata?! E dyta, ministri kishte folë veç si drejtor i QKUK – së e aspak si minister. Shëndetësia e ka edhe një kujdes parësor i cili do të duhej t’i jepte 80% të shërbimeve”, ka shkuar Kodra në rrjetin social Facebook.
Reagimi i plotë i tij:
Kosova në të kaluarën ka pasur ministra që nuk e kanë njohur shëndetësinë, tani e ka një që nuk po e njeh as Kosovën!
E para, si mund të mbash takim me donatorët kur nuk ke strategji të shëndetësisë? Çka me të përkrahë ata?!
E dyta, ministri kishte folë veç si drejtor i QKUK – së e aspak si ministër! Shëndetësia e ka edhe një kujdes parësor i cili do të duhej ti jepte 80% të shërbimeve! Ato shërbime nuk i jep veç pse në të kaluarën sikurse tani fokusi ka qenë në QKUK! Kthjelluni se ju ka humbë fokusi!
Me kërku me ndërtu spital të ri, kur shfrytzueshmëria e shtretërve është nën 50% s’di çka me thënë!
Ky lajm mi zbehi edhe pritjet minimale që ka kam pasë për rregullim të sistemit shëndetësor! /Gazeta Shneta/