Ministri i Shëndetësisë, Rifat Latifi, ka thënë se problemi i ikjes së mjekëve nuk qëndron vetëm në Kosovë por edhe në Greqi, Austri dhe Zvicës.
“Unë isha në Greqi javën e kaluar, e kanë të njejtin problem. Austri e ka të njejtin problem, Zvicra për largimin e personelit shëndetësore nga një vend në vendin tjetër. Nga 26 mijë mjek në Greqi që punojnë të gjithë Athinën vetëm dy mijë janë në sistemin publik. Edhe ne e kemi të njejtin problem”, ka theksuar ministri.
Problemi me mungesë të anesteziologëve, Latifi tha se është shkaktuar vite me radhë mirëpo tani janë duke u shfaqur pasojat.
“Që nga viti 2016 nuk është hapur asnjë shkollim specialistik për anesteziologji po të ishte bërë kjo do të kishim dy gjenerata të anesteziologjisë dhe nuk do e kishim këtë problem tash. Pasojat e keqplanifikimit apo mos planifikimit fare të kësaj dege të rëndësishme në të kaluarën po i shohim dhe përjetojmë tash”, tha ai.
Deputeti nga PDK, Bekim Haxhiu, ia bëri me dije ministrit Latifi se ikja e mjekëve në Greqi, Austri dhe Zvicës nuk është brengë e institucioneve të Kosovës por e ministrave të secilit vend.
“Dukuria në Greqi, Austri e Zvicër nuk është brengë e jona është e ministrave atje për neve është brengosëse dukuria e ikjes së profesionistëve shëndetësor nga vendi”, pohoi deputeti.
Sipas Haxhiut që nga vitit 2020 institucionet shëndetësor publike I kanë braktisur 220 mjekë, disa prej tyre janë larguar nga vendi e disa të tjerë janë transferuar në privat për shkak të kushteve të rënda e pagave të ulëta.
“Kta (personeli shëndetësor) po ikin për shkak të kushteve të punës, pagave të ulëta, mungesës së shkollimit e mbështetjes për edukim të vazhdueshëm”, theksoi ai.
Haxhiu kërkoi sqarim nga ministri Latifi, se cka ka bërë për gjatë 1 vit e gjysmë, sa është duke menaxhuar ministrin e shëndetësisë, për ndalje të ikjes së trurit.
Ministri bëri të ditur se ndalja e ikjes së trurit nuk bëhet vetëm përmes dhënies së shkollimit specialistik.
Latifi gjithastu theksoi se janë në përgatitje të hapjes së shkollimit specialistik dhe subspecialistik.
“Krijimi i procesit të subspecializimeve që nuk ka egzistuar dhe nuk egziston dhe për këtë i kemi zgjedh 22 disiplina – klinika në të cilën më shumë se 100 mjek specialista do të subspecializohen. Gjthashtu janë duke u bërë edhe disa hapa të tjerë të cilët do të ndihmojnë në frenim të ikjes së mjekeve: ligji i pagës, hartimi i planit për burimet njerëzore të cilat ministria është duke i bërë. Do të hapim konkurs për specializime cdo vitë”, bërë të ditur ministri./Gazeta Shneta/